ABŞ fond bazarı Donald Trampın tariflərinə görə kütləvi satış nəticəsində 4 trilyon dollar itirib. “Reuters” bildirir ki, S&P 500 indeksi fevralın 19-da rekord 8.6% geriləyərək, bazar korreksiyasına işarə edən 10% azalmaya yaxınlaşıb. Təkcə bazar ertəsi S&P 500 2.7% dəyər itirib.
Çöküşün əsas amili investorlar, şirkətlər və istehlakçılar arasında qeyri-müəyyənliyə səbəb olan prezident Donald Trampın tarif siyasəti olub. Kanada, Meksika və Çinlə ticarət münaqişələri xüsusi narahatlıq doğurur. “İnsanlar Çinlə davam edən gərginliyi başa düşə bilər, lakin Kanada, Meksika və Avropa ilə vəziyyət çaşdırıcıdır”, – analitiklər vurğulayırlar.
Xüsusilə texnologiya sektoru böyük itki verib – bazar ertəsi günü 4.3% azalıb. “Apple” və “Nvidia” səhmləri təxminən 5%, “Tesla” isə 15% ucuzlaşaraq, bazar kapitallaşmasının təxminən 125 milyard dollarını itirib.
İnvestorlar əvvəlcə Trampın siyasəti ilə bağlı optimist idilər, vergilərin azaldılmasını və tənzimlənmənin ləğvini gözləyirdilər, lakin tariflər və digər dəyişikliklərlə bağlı qeyri-müəyyənlik bazar əhval-ruhiyyəsini dəyişdi.
