Nağdsız ödənişləri niyə POS-terminal vasitəsilə həyata keçirməliyik?
Banker.az xəbər verir ki, POS-terminal ticarət, xidmət və iaşə müəssələrində müştərilərin nağdsız ödənişlər həyata keçirməsinə, əməliyyatların şəffav və təhlükəsiz aparılmasına xidmət edir. Nağdsız ödənişlər zamanı POS-terminallardan istiafdə sahibkarlar üçün bir sıra üstünlüklər yaradır:
Xidmət sürətinin artırılması;
Hesablaşmaların rahat, şəffav və təhlükəsiz aparılması;
Vergi öhdəliklərinin yerinə yetirilməsi zamanı şəffavlığın artırılması;
Vergi orqanları tərəfindən aparılan yoxlamalar nəticəsində müvafiq vergilərin, əlavə faiz və maliyyə sanksiyalarının hesablanmaması;
Bəs istehlakçılar nağdsız ödənişləri niyə POS-terminallar vasitəsiylə həyata keçirməlidirlər?
POS-terminal vasitəsilə ödənişlər daha təhlükəsizdir;
İstehlakçı hüquqları qorunur, alınan malı geri qaytramaq və ya dəyişdirmək mümkündür;
Xərclərə nəzarət etmək olur;
“ƏDV geri al” layihəsindən faydalanmaq mümkündür;
Beləliklə, istehlakçılar ilk növbədə öz hüquqlarının qoruna bilməsi, sahibkarlar isə əlavə maliyyə itkilərinə məruz qalmamaq üçün ticarət, iaşə və xidmət sahələrində nağdsız ödənişləri POS-terminal vasitəsilə həyata keçirməlidirlər.
Nağdsız ödənişlər rahatlıq və təhlükəsizliklə yanaşı həm də şəffav hesabatlılıq, şəffav hesabatlılıq isə dövlət büdcəsinə dürüst vergi ödənişləri deməkdir.
