ABŞ Milli Kəşfiyyatının senatorlara verdiyi məlumata görə, İranın nüvə silahı üzərində işlədiyinə dair heç bir sübut yoxdur. “Tvit vasitəsilə xarici siyasət – çılğınlıqdır. Amma bu adam belə edir”, – deyə Senatın Kəşfiyyat Komitəsinin sədr müavini Mark Uorner ABŞ prezidentinin “kəşfiyyata məhəl qoymadığını” əlavə edərək söyləyib.
İran və İsrail arasında münaqişə iyunun 13-də başlayıb. Daha sonra İsrail ordusu İranın nüvə obyektlərinə zərbələr endirib və bir sıra yüksək rütbəli İran hərbçilərini öldürüb. Buna cavab olaraq Tehran Tel-Əvivi raket və pilotsuz təyyarələrlə atəşə tutmağa başlayıb. WSJ-nin məlumatına görə, cənab Tramp İrana hücum planını artıq təsdiqləyib.
