“The New York Times” (NYT) yazır ki, Tehran Yaxın Şərqdəki ABŞ bazalarına hücum edə və müttəfiqlərindən qisas almaq üçün istifadə edə bilər.
NYT-nin məlumatına görə, bəzi obyektlər həm İran raketləri, həm də İranın “proksi” qüvvələri tərəfindən hücuma məruz qala bilər. Bundan əlavə, İran qüvvələrinin digər ölkələrə hücum etmə təhlükəsi var.
NYT qeyd edir ki, 2019-cu ildə husilər Səudiyyə Ərəbistanında iki neft qurğusuna hücum ediblər. Qəzet xəbərdarlıq edir ki, tankerlərə və kommersiya gəmilərinə daha çox hücum “qlobal enerji tranzitini pozacaq və qlobal bazarları qeyri-sabitləşdirəcək”.
İyunun 22-də ABŞ İsrail və İran arasında münaqişəyə girib. Amerika qüvvələri ağır bombardmançı təyyarələrdən istifadə edərək İranın üç əsas nüvə obyektini – Fordo, Natanz və İsfahanı vurub. Bundan əvvəl, iyunun 13-dən İsrail Tehranın nüvə infrastrukturuna zərbələr endirmişdi.
İran prezidenti Məsud Pezeşkian Fransa lideri Emmanuel Makronla telefon danışığında deyib ki, Vaşinqton zərbələrə görə cavab verməlidir.
