Rusiya Böyük Britaniya mediası, QHT-ləri, konsultasiya strukturları və ekspert icmasına qarşı şəxsi sanksiyalar tətbiq edib.
Bu haqda məlumatı Rusiya Xarici İşlər Nazirliyi verib.
Məlumatda bildirlir ki, Böyük Britaniyanın media nümayəndələri, QHT-lər, konsultasiya strukturları və ekspert icmasından olan ümumilikdə 21 şəxsə qarşı cavab tədbiri olaraq şəxsi sanksiyalar tətbiq edib.
Sanksiya siyahısında yer alanlardan bəziləri Britaniya vətəndaşları, digər hissəsi isə “destruktiv britaniyalı media və konsultasiya strukturları ilə əməkdaşlıq edən üçüncü ölkə vətəndaşlarıdır” və onlara artıq Rusiya ərazisinə girmək qadağan edilib.
“Bu şəxslər arasında Rusiya haqqında dezinformasiya yaymaq və Xüsusi Hərbi Əməliyyat kontekstində əsassız ittihamlar irəli sürmək, həmçinin Qərbin Rusiya əleyhinə siyasətinin sərtləşdirilməsi və Kiyev rejiminin dəstəklənməsini təşviq edən düşmən fəaliyyətləri həyata keçirənlər var”, – deyə məlumatda qeyd olunub.
