“Intel inc.” bazar ertəsi açıqlamasında Tramp administrasiyasının şirkətin 10%-lik payını almasının investorlar, əməkdaşlar və digər tərəflər arasında “mənfi reaksiyalara” səbəb ola biləcəyini bildirdi.
Banker.az CNBC-yə istinadən xəbər verir ki, şirkətin ABŞ Qiymətli Kağızlar və Birja Komissiyasına (SEC) təqdim etdiyi sənəddə qeyd olunub ki, əsas risk beynəlxalq satışlarla bağlıdır – 2024-cü maliyyə ilində “Intel” gəlirlərinin 76%-i ABŞ-dan kənarda əldə olunub. Şirkətin illik gəliri 53,1 mlrd. dollar təşkil edib ki, bu da ötən illə müqayisədə 2% azdır.
“Intel” beynəlxalq müştərilər üçün artıq birbaşa Donald Trampın dəyişkən tarif və ticarət siyasətləri ilə əlaqələndirilir. Şirkət əlavə edib ki, sazişlə bağlı məhkəmə çəkişmələri, ictimai və siyasi təzyiqlər də yarana bilər. Bundan başqa, Vaşinqtondakı siyasi dəyişikliklərin razılaşmanı çətinləşdirə və ya ləğv edə biləcəyi riskinə diqqət çəkilib.
Razılaşma Ticarət Nazirliyinə 433,3 milyon səhm verir ki, bu da “mövcud səhmdarların pay dəyərini azaldır. Səhm alışı əsasən Baydenin CHIPS Aktı çərçivəsində “Intel”-ə ayrılmış vəsaitlə maliyyələşdirilir. Şirkət indiyədək 11,1 mlrd. dollar həcmində dövlət dəstəyi alıb.
Tramp sazişi “Amerika üçün böyük anlaşma” adlandırıb. “Intel” isə bildirib ki, hökumət payı səhmdarların idarəetmə hüquqlarını məhdudlaşdıra bilər. 2024-cü ildə şirkət həmçinin Baş icraçı direktoru Pat Gelsinqerin istefası ilə ciddi dəyişikliklər yaşayıb.
