Sentyabrın 15-dən Çin Rusiya vətəndaşları üçün vizasız rejim tətbiq edəcək. Bu barədə ÇXR Xarici İşlər Nazirliyi məlumat yayıb.
“2025-ci il sentyabrın 15-dən 2026-cı il sentyabrın 14-dək adi pasportlara malik Rusiya vətəndaşları üçün vizasız siyasət qüvvədə olacaq”, – mesajda deyilir.
Yenilik qarşılıqlı səyahətləri sadələşdirmək və iki ölkə arasında turizm, işgüzar və mədəni əlaqələri gücləndirmək məqsədi daşıyır. Yeni qaydalara əsasən Çinə daxil olmaq üçün ruslara yalnız etibarlı xarici pasport lazımdır.
