Azərbaycanın xam pambıq yağı ixracı 2025-ci ilin ilk yeddi ayında əvvəlki ilin eyni dövrü ilə müqayisədə kəskin artıb.
Banker.az xəbər verir ki, bu ilin yanvar–iyul aylarında ölkə 3 747.4 ton həcmində pambıq yağı ixrac edib və 2 milyon 446.31 min dollar gəlir əldə olunub.
Ötən ilin müvafiq dövründə isə ixrac 1 810.24 ton və 954.35 min dollar idi. Beləliklə, ixrac həcmi bu il 107%, dəyəri isə 156% artıb.
Orta qiymət də yüksəlib. Belə ki, 2024-cü ilin ilk 7 ayında hər ton üçün orta ixrac qiyməti 527 dollar olduğu halda, 2025-ci ildə bu göstərici 653 dollara qalxıb.
Türkiyə əsas alıcı olaraq qalır. 2025-ci ilin ilk 7 ayında Türkiyəyə 2 388 ton ixrac edilib və 1.44 milyon dollar gəlir əldə olunub. Ötən ilin eyni dövründə bu rəqəmlər 1 467 ton və 761 min dollar idi.
Dövlət Statistika Komitəsinə görə, Tacikistana ixrac da əhəmiyyətli dərəcədə genişlənib. 2024-cü ilin ilk 7 ayında 325 ton (169 min dollar) göndərilmişdisə, 2025-ci ildə bu rəqəm 975 ton və 682.5 min dollara yüksəlib.
Qırğızıstana ixrac 18.2 tondan 78.4 tona, dəyər isə 23.8 mindən 115.4 min dollara artıb. Özbəkistan və Gürcüstan isə 2025-ci ildə yeni alıcı ölkələr kimi ortaya çıxıb. Belə ki, Özbəkistana 260 ton (174.2 min dollar), Gürcüstana isə 45.9 ton (30.6 min dollar) göndərilib.
