Çindən olan cinayətkar təşkilatlar saxtakarlıq məqsədli SMS-lər vasitəsilə son üç ildə ABŞ-də 1 milyard dollardan çox qazanc əldə ediblər. “The Wall Street Journal”ın məlumatına görə, hazırda saxtakar mesajların orta aylıq həcmi 2024-cü ilin yanvar göstəricisini 3,5 dəfə aşır.
Nəşrin yazdığına görə, ən çox yayılmış mesajlar arasında avtomagistraldan keçid haqqının gecikmiş ödənişi barədə bildirişlər, ABŞ Poçt Xidmətinin (USPS) rüsumlarının ödənilməli olduğu haqda xəbərdarlıqlar və yol hərəkəti qaydalarının pozulmasına görə ödənilməmiş cərimələr barədə məlumatlar var.
Fırıldaqçıların məqsədi — mesajın ünvanını fişinq (fırıldaq) saytına yönləndirmək, orada istifadəçinin kredit kartı məlumatlarını oğurlamaqdır. Kibercinayətkarlar dropperlər vasitəsilə oğurlanmış kartlardan vəsaitləri çıxararaq Çinə göndərirlər.
