Avropa Komissiyası bu həftənin sonunadək, yəqin ki, 23–24 oktyabrda keçiriləcək Aİ sammitində, Rusiyaya qarşı 19-cu sanksiyalar paketini qəbul etməyi planlaşdırır. Bu barədə Aİ-nin diplomatik xidmətinin rəhbəri Kaya Kallas Lüksemburqda Aİ ölkələrinin xarici işlər nazirlərinin görüşünə gələrkən bildirib.
“Bu həftə 19-cu sanksiyalar paketini qəbul etməyi gözləyirik”, – deyə o qeyd edib və üzv ölkələr arasında fikir ayrılıqları səbəbindən sammitədək qərarın qəbul edilməsinin çətin olduğunu təsdiqləyib.
“Təəssüf ki, bu, bu gün baş verməyəcək, lakin cümə axşamı dövlət başçılarının görüşü olacaq”, – deyə Kallas əlavə edib. Onun sözlərinə görə, nazirlər ayrıca olaraq Rusiya neftini daşıdığı iddia edilən tanker gəmilərinə qarşı Aİ-nin tədbirlər planını da müzakirə edəcəklər.
Daha əvvəl Avropa Komissiyası bildirmişdi ki, 19-cu sanksiyalar paketi sentyabr ayında sürətlə qəbul ediləcək.
