ABŞ-ın Rusiyanın “Rosneft” və “Lukoil” şirkətlərinə sanksiya tətbiq etməsindən sonra Çinin əsas dövlət neft şirkətləri Rusiyadan dəniz yolu ilə daşınan neft alışını dayandırıb.
Bu barədə “Reuters“ bir neçə mənbəyə istinadən məlumat yayıb.
Mənbələrin məlumatına görə, Çinin “PetroChina”, “Sinopec”, “CNOOC”, “Zhenhua Oil” şirkətləri sanksiyalar səbəbindən Rusiyadan dəniz yolu ilə neft alışını ən azı qısa müddətlik belə olsa dayandırıb.
Sözügedən şirkətlər “Reuters“in sorğularına cavab verməyib.
Qeyd edək ki, Çin Rusiyadan dəniz yolu ilə gündəlik təxminən 1.4 milyon barel neft alır.
