ABŞ Energetika Nazirliyi 2025-ci il üçün “Brent” markalı neftin orta qiyməti üzrə proqnozunu 0,17% artıraraq bir barel üçün 68,64 dollardan 68,76 dollara yüksəldib.
Bu, Nazirliyin Enerji Məlumatları İdarəsinin hesabatında öz əksini tapıb.
Eyni zamanda, qurum proqnozlaşdırır ki, 2026-cı ilin birinci rübündə “Brent” neftinin qiyməti dünya üzrə neft ehtiyatlarının artması səbəbindən bir barel üçün 54 dollara qədər enəcək.
ABŞ Energetika Nazirliyi həmçinin gözləyir ki, “OPEC+” ölkələrinin neft hasilatı dünya ehtiyatlarının əhəmiyyətli dərəcədə artacağı proqnozları fonunda hədəf səviyyələrindən orta hesabla gündəlik 1,3 milyon barel az olacaq.
