2025-ci ilin ilk doqquz ayında təyyarə ilə sərnişin sayı artmasına baxmayaraq, beynəlxalq reyslərdə – əsasən də MDB-nin xarici – qiymət enişi gəlirlərin azalmasına təsir edib.
Banker.az xəbər verir ki, 2025-ci ilin yanvar–sentyabr aylarında hava nəqliyyatı üzrə sərnişin daşınmasından əldə olunan gəlirlər 1 milyard 278,1 mln manat təşkil edib. Bu, 2024-cü ilin eyni dövrü ilə müqayisədə 16,9% azalmaya uyğun gəlir.
Beynəlxalq sərnişindaşımadan gəlirlər 1 milyon 221,7 mln manat olub ki, bu da illik müqayisədə 18,1% azalmadır. Daxili sərnişindaşımadan gəlirlər isə 56,4 mln manata yüksələrək illik əsasda 20,3% artıb.
Hesabat dövründə ümumi sərnişin daşınması 3 milyon 104,9 min nəfər təşkil edib ki, bu da ötən ilin eyni dövrü ilə müqayisədə 1,5% artım deməkdir.
Beynəlxalq sərnişindaşımada artım 2,2% olub, daxili reyslər üzrə daşınan sərnişinlərin sayı isə 1,3% azalıb.
2025-ci ilin yanvar–sentyabr aylarında daxili reyslərin orta qiyməti 59 manat olaraq 2024-cü illə müqayisədə dəyişməsədə də beynəlxalq reyslərdə eniş müşahidə edilib. MDB istiqamətində orta qiymət 2024-cü ilin eyni dövrü ilə müqayisədə artaraq aylıq orta hesabla 1 000 manat civarında olub.
Digər ölkələr üzrə isə orta qiymət 2025-ci ildə 2024-cü ilə nisbətən əhəmiyyətli dərəcədə azalaraq aprel–sentyabr aylarında 444–552 manat səviyyəsinə düşüb. Ümumilikdə, MDB reyslərinin qiymətləri bahalaşıb, daxili reyslər sabit qalıb, digər beynəlxalq reyslər isə ucuzlaşıb.
