Ukrayna prezidenti Volodimir Zelenski bildirib ki, hazırda 28 bənd əvəzinə 20 bəndlik sülh təşəbbüsü müzakirə olunur. Onun sözlərinə görə, Ukrayna əleyhinə olan bəndlər sənəddən çıxarılıb. O əlavə edib ki, hələlik ərazi məsələləri üzrə kompromis yoxdur.
“Amerikalıların ümumi mövqeyi kompromis tapmaqdır. Şübhəsiz ki, ərazi ilə bağlı çətin məsələlər var. Bu mövzuda hələ kompromis əldə olunmayıb”, — deyə Volodimir Zelenski bildirib. O əlavə edib ki, sənədin yekun variantı sabah, dekabrın 9-da hazır olacaq və onu Amerika tərəfinə təqdim etmək mümkün olacaq.
Bundan əvvəl Ukraynanın Təhlükəsizlik və Müdafiə Şurasının katibi Rustem Umerov ABŞ nümayəndələri ilə nizamlanmaya dair “bütün aktual təklif layihələrini” müzakirə etmişdi. Bu gün cənab Umerov həmin təklifləri Volodimir Zelenskiyə təqdim edib. Daha sonra o, onları Böyük Britaniyanın Baş naziri Kir Starmer, Almaniya kansleri Fridrix Merts və Fransanın prezidenti Emmanuel Makronla müzakirə edib.
