ABŞ-də sonuncu zərb edilən sentlər hərracda 16,7 milyon dollara satılıb. Ümumilikdə üç növdə sikkədən ibarət 232 dəst kolleksiya satılıb. Hər bir sikkənin üzərində sonuncu zərbi göstərən omega simvolu yer alıb.
Üç sikkədən ibarət hər bir dəst orta hesabla 72 min dollara satılıb, sonuncu dəstin dəyəri isə 800 min dollar təşkil edib.
Xatırladaq ki, ABŞ prezidenti Donald Tramp sent nominalında sikkələrin buraxılışının dayandırılması barədə göstəriş verib, çünki onların zərb edilməsi yüksək xərc tələb edirdi. Belə bir sikkənin istehsalı dövlət büdcəsinə 4 sentə başa gəlirdi. Bu qərar ildə 56 milyon dollar qənaət etməyə imkan verəcək.
