“Xiaomi” şirkəti “Weibo” platformasında ilk tizeri yayımlayıb və cihazın Leica ilə dərinləşdirilmiş əməkdaşlığın nəticəsi olacağını təsdiqləyib.
“Xiaomi”nin bildirdiyinə görə, “Leica” ilə tərəfdaşlıq yeni mərhələyə yüksəlib: 17 Ultra yeni nəsil birgə texnoloji işləmələrin tətbiq olunacağı ilk smartfon olacaq.
Əsas yenilik “Leica APO” sertifikatına malik teleobyektiv olacaq ki, bu da hətta peşəkar optika üçün belə nadir hal sayılır. İstehsalçı xüsusilə zəif işıq şəraitində çəkiliş keyfiyyətində nəzərəçarpacaq sıçrayış, eləcə də “inqilabi” optik sistem vəd edir.
Texniki xüsusiyyətlər və dizayn hələlik açıqlanmayıb. Yalnız məlumdur ki, Xiaomi 17 Ultra 2025-ci ilin sonuna qədər təqdim olunacaq.
Yaxın zamanda şirkət yeni flaqmanın kameraları, xarici görünüşü və imkanları ilə bağlı detalları mərhələli şəkildə açıqlayacağı tammiqyaslı tizer kampaniyasına başlayacaq.
