“Rabitəbank” ASC səhmdarlarının Ümumi Yığıncağının növbədənkənar iclası 12 fevral 2026-cı il tarixində, saat 17:00-da Bakı şəhəri, Füzuli küçəsi 71 ünvanında yerləşən Bankın inzibati binasında keçiriləcək.
Banker.az xəbər verir ki, yığıncağın gündəliyinə bankın 2025-ci il maliyyə hesabatlarının (Balans, Mənfəət və Zərər), Audit Komitəsinin hesabatının təsdiqi, səhmdarlara dividend ödənilməsi, Müşahidə Şurası üzvlərinə mükafat verilməsi, “Capital Partners” İŞ-nin Müşahidə Şurasının tərkibinin təsdiqi, “Rabitəbank” ASC adından qərar verəcək səlahiyyətli orqanın təyin edilməsi, nizamnamə kapitalının artırılması, eləcə də təşkilati və cari məsələlər daxildir.
Səhmdarlar gündəlikdə nəzərdə tutulmuş məsələlər üzrə materiallarla Bankın Baş ofisində və elektron qaydada müraciət etməklə tanış ola bilərlər.
