Pekin artıq 683 milyard dollar həcmində ABŞ xəzinə istiqrazına malikdir. Bu göstərici 2008-ci ildən bəri ən aşağı səviyyədir. Müqayisə üçün, bir il əvvəl bu rəqəm 769 milyard dollar idi.
Eyni zamanda, Çinin qızıl ehtiyatları ardıcıl 15 aydır artır və 370 milyard dollara çataraq yeni rekord müəyyənləşdirib.
Daha əvvəl məlumat verilmişdi ki, Çin risklərin şaxələndirilməsi məqsədilə banklarına ABŞ xəzinə istiqrazlarına yatırımların həcmini məhdudlaşdırmağı tövsiyə edir.
Çinin bu addımları dolların və ümumilikdə ABŞ-ın kapitalın saxlanılması üçün dünyanın ən təhlükəsiz məkanı statusunu itirməsi ilə bağlı artan narahatlıqlarla üst-üstə düşür.
Bununla belə, Çin hələ də ABŞ xəzinə istiqrazlarının üçüncü ən böyük sahibi olaraq qalır. Ən böyük sahib isə 1,2 trilyon dollar göstərici ilə Yaponiyadır. Ümumilikdə, xarici investorlar ABŞ-ın dövlət borcunun təxminən 30 faizinə sahibdir.
