2025-ci ilin yekunlarına görə dünya valyuta ehtiyatları $13 trilyon təşkil edib. Göstərici ötən illə müqayisədə 6,5% artaraq tarixi maksimuma yüksəlib. Bununla belə, ABŞ dollarının bu ehtiyatlardakı payı 2024-cü ildəki 58,52%-dən 56,77%-ə enib. Bu barədə Beynəlxalq Valyuta Fondu məlumat verib.
Dolların dünya valyuta ehtiyatlarındakı payı müşahidələr tarixində ən aşağı səviyyəyə düşüb. BVF bu məlumatları 1995-ci ildən təqdim edir. Yuanın ehtiyatlardakı payı da 1,95%-ə qədər azalaraq 2017-ci ildən bəri minimuma enib.
Buna qarşılıq olaraq, Asiya valyutası olan yapon yeninin payı 5,78%-ə yüksəlib ki, bu da 2020-ci ildən bəri ən yüksək göstəricidir. Ən böyük pay isə 20,25% ilə avroya məxsusdur.
