ABB-nin (Azərbaycan Beynəlxalq Bankı) aktivləri 2026-cı ilin ilk rübünün cəmi aktivləri 13,63 mlrd. manatdan 14,31 mlrd. manata yüksələrək təxminən 684 mln. manat və ya 5% artıb.
Banker.az xəbər verir ki, aktivlərin strukturunda ən böyük paya malik olan müştərilərə verilmiş kredit portfeli 7,08 mlrd. manatdan 7,16 mlrd. manata yüksələrək 1,10% artıb. Kredit portfelinin əsas komponentlərində istehlak kreditləri 1,98 mlrd. manatdan 2,06 mlrd. manata qalxaraq 4,03% artım göstərib. Daşınmaz əmlak kreditləri 1,55 mlrd. manatdan 1,57 mlrd. manata yüksələrək 1,06% artıb. Biznes kreditlərində isə 3,54 mlrd. manatdan 3,53 mlrd. manata eniş qeydə alınıb ki, bu da 0,51% azalma deməkdir.
Nağd pul və ekvivalentləri 2,50 mlrd. manatdan 3,21 mlrd. manata yüksələrək 28,28% artıb. Banklar və maliyyə institutlarındakı depozitlər isə 486,6 mln. manatdan 612,3 mln. manata yüksələrək 25,85% artıb. Bunun əksinə olaraq, ticarət və investisiya qiymətli kağızları 3,30 mlrd. manatdan 2,93 mlrd. manata düşərək 11,03% azalma nümayiş etdirib.
Digər aktivlər 580,6 mln. manatdan 766,6 mln. manata yüksələrək 32,03% artım göstərib və ümumi aktiv artımına mühüm töhfə verib. Əmlak və avadanlıqlarda isə 211,8 mln. manatdan 210,3 mln. manata cüzi 0,74% azalma qeydə alınıb.
ABB-nin öhdəliklər tərəfdə ümumi həcm 12,02 mlrd. manata yüksələrək 5,24% artıb. Depozit portfeli 9,01 mlrd. manata qalxaraq 1,31% artım göstərib. Burada fiziki şəxslərin depozitləri 3,40 mlrd. manatdan 3,56 mlrd. manata yüksələrək 4,64% artıb, hüquqi şəxslərin depozitləri isə 5,49 mlrd. manatdan 5,45 mlrd. manata enərək 0,75% azalıb.
Kredit təşkilatları və digər maliyyə institutları qarşısında öhdəliklər 1,33 mlrd. manatdan 1,65 mlrd. manata yüksəlib.
