ABŞ-nin investisiya şirkəti “BlackRock” 2026-cı ilin I rübündə müştərilərdən 130 milyard dollar vəsait cəlb edib. “Bloomberg” yazır ki, bazarlarda volatilliyə və Yaxın Şərqdə münaqişənin eskalasiyası ilə bağlı uzanan qeyri-müəyyənliyə baxmayaraq, vəsait axını davam edib.
Hesabat dövründə uzunmüddətli investisiya fondlarına xalis vəsait axını 136 milyard dollar təşkil edib. Bu göstərici agentliyin sorğusunda iştirak edən analitiklərin 152 milyard dollarlıq orta proqnozundan aşağıdır. Birja fondları (ETF-lər) isə 132 milyard dollar vəsait cəlb edib. İdarəetmə altındakı aktivlərin ümumi həcmi 13,9 trilyon dollara qədər azalıb. İnvestorlar hesablarından 6 milyard dollar çıxarıb.
Şirkətin səhm üzrə düzəliş edilmiş mənfəəti illik müqayisədə 11% artaraq 12,53 dollara çatıb ki, bu da analitiklərin 11,48 dollarlıq orta proqnozunu üstələyir. Gəlir isə illik ifadədə 27% artaraq 6,7 milyard dollar olub.
Mart ayında “BlackRock”un EMEA regionu üzrə investisiya strategiyasının rəhbəri Kərim Şedid ABŞ-nin İranla müharibəsi fonunda bazarda baş verənləri “təklif şoku deyil, volatillik şoku” adlandırmışdı. Onun sözlərinə görə, investorlar inflyasiyaya ciddi zərbə görmürlər.
