Beynəlxalq Valyuta Fondu (BVF) yeddi ildən sonra Venesuela ilə münasibətlərin bərpa olunduğunu açıqlayıb. Fondun idarəedici direktoru Kristalina Georgiyeva bildirib ki, təşkilat ölkə hökuməti ilə rəsmi danışıqlara başlayıb.
AFP-nin xatırlatdığı kimi, əlaqələrin kəsilməsi 2019-cu ilin yazında baş vermişdi; həmin vaxt BVF Venesuela müxalifətini legitim hakimiyyət kimi tanımışdı. Danışıqlara başlamaq qərarı BVF-yə üzv ölkələrin əksəriyyətinin mövqeyi əsasında qəbul edilib.
ABŞ qüvvələri tərəfindən Venesuela prezidenti Nikolas Maduronun yanvarın əvvəlində ələ keçirilməsindən sonra hökumətin müvəqqəti rəhbəri kimi vitse-prezident Delsi Rodriges təyin edilib. Venesuela hökumətinin rəsmi tanınması fonda iqtisadi məlumatların toplanmasını bərpa etməyə və Karakasa maliyyə yardımı göstərmək imkanını açmağa şərait yaradacaq. AFP-nin qeyd etdiyi kimi, BVF-dən sonra Dünya Bankı da Venesuela ilə münasibətləri bərpa edə bilər.
