Atəşkəs rejimi bütün Yaxın Şərq regionuna, o cümlədən Livana şamil olunmalıdır. Bunu İranın BMT-dəki daimi nümayəndəsi Əmir Səid İrəvani bildirib. Onun sözlərinə görə, bu, İranın ABŞ ilə atəşkəsin davamı üçün irəli sürdüyü əsas şərtlərdən biridir.
“Əgər onlar (ABŞ hakimiyyəti) danışıqlar masasına oturmaq istəsələr, biz hazırıq. Amma müharibə yolunu seçsələr, İran da buna hazırdır”, — deyə Əmir Səid İrəvani SNN telekanalına müsahibəsində bildirib. O, ABŞ İranın dəniz blokadasını aradan qaldıracağı təqdirdə növbəti danışıqlar raundunun keçirilə biləcəyini də istisna etməyib.
Aprelin 21-də ABŞ prezidenti Donald Tramp sülh sazişi üzrə danışıqlar başa çatana qədər İranla atəşkəs rejimini uzadıb. IRIB-in məlumatına görə, İran tərəfi ABŞ-ın bu qərarını dəstəkləməyib. İsrail və Livan arasında atəşkəs isə aprelin 17-də qüvvəyə minib.
