Almaniyanın Müdafiə Nazirliyi 2039-cu ilə qədər silahlı qüvvələrin inkişaf strategiyasını açıqlayıb. “Avropa üçün məsuliyyət” adlı sənəd Bundesverin rəsmi saytında yerləşdirilib. Nazirliyin rəhbəri Boris Pistorius bu planları “tarixi dönüş nöqtəsi” kimi xarakterizə edib, bu barədə “DefenceNews” yazır.
Almaniya silahlı qüvvələrinin qarşıya qoyduğu əsas məqsəd 2039-cu ilə qədər Avropanın ən güclü ordusuna çevrilməkdir. İnkişaf planına əsasən, hərbçilərin sayı hazırkı 185,4 mindən 260 minə çatdırılacaq. Eyni zamanda, ehtiyat qüvvələrinin sayı təxminən 70 mindən 200 minə qədər artırılacaq ki, bu da ümumilikdə 460 min döyüş qabiliyyətli hərbçi deməkdir.
Strategiyada Rusiya əsas təhlükə kimi müəyyən edilib. Sənəddə həmçinin NATO ərazisinə mümkün hücum ssenariləri təsvir olunur, lakin onların detalları məxfi saxlanılır.
