“Instagram” İtaliya və İspaniyada “Instans” adlı yeni tətbiqini istifadəyə verib. “Business Insider” yazır ki, tətbiq istifadəçilərə yoxa çıxan fotolar paylaşmağa imkan verir — paylaşımlara cəmi 24 saat ərzində baxmaq mümkündür, sonra isə onlar silinir.
İstifadəçilər mətn təsviri ilə foto və videolar paylaşa bilərlər, lakin bu paylaşımları sonradan redaktə etmək mümkün deyil. Kontenti həm bütün izləyicilərlə, həm də məhdud istifadəçi qrupu ilə bölüşmək olar.
Tətbiq hazırda yalnız İtaliya və İspaniyada mövcuddur, digər ölkələrdə istifadəyə verilib-verilməyəcəyi isə hələ məlum deyil.
Nəşr qeyd edir ki, tətbiq funksional baxımdan “BeReal”a bənzəyir — bu platforma real vaxtda foto paylaşmağa imkan verir və “Snapchat”daki kimi paylaşımlar 24 saatdan sonra avtomatik silinir.
