“Bloomberg” agentliyinin dərc etdiyi “Bloomberg Billionaires Index”ə əsasən, Rusiyanın ən varlı biznesmenlərinin sərvəti 2026-cı ilin əvvəlindən etibarən 16,1 milyard dollar artıb. Reytinq, o cümlədən, şirkət səhmlərinin dəyəri əsasında hesablanır.
Siyahıya görə, “EuroChem” şirkətinin həmtəsisçisi Andrey Melniçenko ilin əvvəlindən 5,8 milyard dollar qazanaraq sərvətini 24,7 milyard dollara çatdırıb. Həmçinin “Novatek”in rəhbəri Leonid Mixelson (+4,94 milyard dollar, 28,6 milyard dollara qədər) və Gennadi Timçenko (+3,4 milyard dollar, 17,7 milyard dollara qədər) da əhəmiyyətli artım qeydə alıblar.
Bundan əlavə, “Severstal”ın təsisçisi Aleksey Mordaşovun sərvəti 2,92 milyard dollar artaraq 29,2 milyard dollara çatıb, Ural Dağ-Metallurgiya Şirkətinin təsisçisi İskəndər Mahmudovun sərvəti isə 1,22 milyard dollar artaraq 9,09 milyard dollar olub.
Eyni zamanda, rusiyalı sahibkar Mixail Proxorovun sərvəti 5,33 milyard dollar azalaraq 11,3 milyard dollara düşüb. Pavel Durovun sərvəti 2,08 milyard dollar azalaraq 12,3 milyard dollara, Alişer Usmanovun sərvəti isə 1,03 milyard dollar azalaraq 18,2 milyard dollara enib.
Agentlik “Bloomberg Billionaires Index” siyahısını 2012-ci ilin mart ayından dərc edir və burada dünyanın 500 ən varlı insanının sərvəti barədə məlumatlar yer alır.
