“Comex” birjasında (Nyu-York Əmtəə Birjasının bölməsi) 2026-cı ilin iyun ayı üzrə qızıl fyuçerslərinin qiyməti martın 30-dan bəri ilk dəfə bir troya unsiyası üçün 4 500 dollardan aşağı düşüb.
Ticarət platformasının məlumatına görə, Bakı vaxtı ilə saat 05:02-də qızılın qiyməti 1,43% azalaraq bir troya unsiyası üçün 4 496,7 dollar olub.
Saat 05:12-yə olan məlumata əsasən, fyuçers eniş tempini zəiflədib və bir unsiya üçün 4 507 dollar (-1,2%) səviyyəsində olub. Bakı vaxtı ilə saat 06:20-də isə “Comex”də 2026-cı ilin iyun ayı üzrə qızıl fyuçerslərinin qiyməti 0,57% azalaraq bir troya unsiyası üçün 4 536 dollar təşkil edib.
