Ümumdünya Səhiyyə Təşkilatı (ÜST) yeni qlobal pandemiya riskinin artdığı barədə xəbərdarlıq edib. Bildirilir ki, yeni pandemiya yayılma miqyasına görə koronavirus və Ebola epidemiyalarını geridə qoya bilər.
Ekspertlər qeyd edirlər ki, son illərdə yoluxucu xəstəliklərin yayılması halları daha tez-tez baş verir və səhiyyə, iqtisadiyyat, eləcə də sosial sabitliyə ciddi təsir göstərir. Hesabatda vurğulanır ki, COVID-19 pandemiyası və Ebola epidemiyalarından sonra dünya daha təhlükəsiz olmayıb.
Təhdidin əsas amilləri sırasında beynəlxalq mobilliyin artması, ekoloji dəyişikliklər və əhalinin dövlət institutlarına etimadının azalması göstərilib.
May ayının ortalarında Konqoda yeni Ebola epidemiyası baş verib. BBC-nin 19 may tarixinə olan məlumatına görə, infeksiya nəticəsində 131 nəfər həyatını itirib. Daha 513 nəfərdə yoluxma əlamətləri aşkarlanıb.
Həmçinin Ugandada üç yoluxma halı təsdiqlənib, onlardan biri ölümlə nəticələnib.
