İnkişaf etmiş ölkələr son iki ildə inkişaf etməkdə olan iqtisadiyyatlara malik ölkələrə iqlim dəyişikliyi ilə mübarizə məqsədilə təxminən 270 milyard dollar maliyyə dəstəyi göstərib.
2023-cü ildə iqlim maliyyələşdirilməsinin həcmi 132,8 milyard dollar, 2024-cü ildə isə 136,7 milyard dollar təşkil edib.
İqlim layihələrinə yönəldilən vəsait üzrə 100 milyard dollarlıq hədəf ilk dəfə 2022-ci ildə aşılmışdı. Həmin il maliyyələşdirmə 115,9 milyard dollara çatmışdı.
OECD-nin baş katibi Matias Korman bildirib ki, 100 milyard dollarlıq hədəf 2024-cü ildə ardıcıl üçüncü il üstələnib.
“100 milyard dollarlıq hədəf 2024-cü ildə ardıcıl üçüncü dəfə aşılmışdır ki, bu da inkişaf etməkdə olan iqtisadiyyatların iqlim dəyişikliyinin təsirlərinin azaldılması və onlara uyğunlaşma istiqamətində dəstəklənməsinə aydın sadiqliyi göstərir”, – deyə Korman qeyd edib.
Onun sözlərinə görə, bu dəstək inkişaf etməkdə olan ölkələrin iqlim hədəflərinə nail olması baxımından mühüm əhəmiyyət daşıyır.
