“Gəncə Şərab-2” ASC 2025-ci ili 5 milyon 175 min manat xalis mənfəət ilə başa vurub. Şirkət 2024-cü ili 2 milyon 100 min manat xalis mənfəət ilə bağlamışdı. Beləliklə, ötən il “Gəncə Şərab-2”nin xalis mənfəəti 2.5 dəfə artıb.
Banker.az bu barədə şirkətin 31 dekabr 2025-ci il tarixinə olan maliyyə hesabatına istinadən xəbər verir.
“Gəncə Şərab-2” ASC-nin əsas əməliyyat gəlirləri 2024-cü ildə 18 milyon 273 min manat ikən, 2025-ci ildə 23 milyon 695 min manata çatıb (30% artım). Satışın maya dəyəri isə 8.4% artaraq 16 milyon 854 min manat təşkil edib.
Hesabat dövründə “Gəncə Şərab-2” şirkətinin cəmi aktivləri 32 milyon 214 min manatdan 84 milyon 87 min manata, cəmi kapitalı 17 milyon 791 min manatdan 72 milyon 939 min manata çatıb.
