Artıq istifadəçilər profildəki paylaşımların yerini dəyişə bilərlər. Bunun üçün paylaşımın üzərinə basıb saxlamaq və onu profildə istənilən mövqeyə sürükləmək kifayətdir.
The Verge-in qeyd etdiyi kimi, əvvəllər profil yalnız xronoloji ardıcıllıqla formalaşırdı. İstifadəçilər yalnız üç paylaşımı profilin yuxarı hissəsində sabitləyə bilirdilər.
Yeni yeniləmə ilə paylaşımların yerləşdirilməsi onların dərc olunma tarixindən asılı olmayacaq. İstifadəçilər istənilən paylaşımı profilin istənilən hissəsinə köçürə biləcəklər.
Adam Mosseri bu funksiyanı hələ 2025-ci ilin yanvarında elan etmişdi. Bu açıqlama xidmətin profil şəbəkəsinin görünüşünü dəyişməsindən sonra verilmişdi. Həmin yeniliklə paylaşımların önizləmələri kvadrat formatdan şaquli formata keçirilmişdi.
