ICE birjasının məlumatına görə, Brent markalı neftin qiyməti fevralın 27-dən bəri ilk dəfə bir barel üçün 71 dollardan aşağı enib.
Bakı vaxtı ilə saat 07:58-ə olan məlumata əsasən, sentyabr fyuçerslərinin qiyməti bir barel üçün 70,67 dollara düşüb. Oktyabr fyuçersləri 71,21 dollar səviyyəsində ticarət olunub, noyabr müqavilələrinin dəyəri isə 2% azalaraq 71,4 dollar təşkil edib.
CNBC-nin qeyd etdiyi kimi, qiymətlərin enməsi Hörmüz boğazından tanker hərəkətinin bərpası ilə əlaqədardır. Beynəlxalq Dəniz Təşkilatının məlumatına görə, təhlükəsizlik zəmanətləri aldıqdan sonra 11 mindən çox dənizçi Fars körfəzini tərk edə biləcək.
İyunun 18-də ABŞ və İran qarşılıqlı anlaşma memorandumu imzalayıb. Mart ayında, ABŞ-nin İrana qarşı hərbi əməliyyatının başlanğıcında Brent neftinin qiyməti bir barel üçün 119,5 dollara qədər yüksəlmişdi.
