®VTB (Azərbaycan) yeni nağd kredit kampaniyasına start verib. Kampaniya çərçivəsində müştərilər tam komissiyasız və zaminsiz 100 000 AZN-dək, rəsmiləşdirmə üstünlükləri ilə istehlak krediti əldə edə bilərlər.
Yeni kampaniya daha böyük maliyyə imkanları axtaran müştərilər üçün nəzərdə tutulub. Kredit məbləği aylıq gəlirin 26 mislinədək müəyyən edilir ki, bu da mənzil təmiri, avtomobil alışı, təhsil, səyahət və digər iri maliyyə planlarının daha rahat həyata keçirilməsinə imkan yaradır.
Kreditlər illik 9,9%-dən başlayan faiz dərəcəsi ilə 59 ayadək müddətə təqdim olunur. Uzunmüddətli maliyyələşmə aylıq ödənişləri daha rahat planlaşdırmağa və kredit yükünü daha optimal şəkildə idarə etməyə imkan yaradır.
Kampaniyanın üstünlüklərindən biri də digər banklardakı kreditlərin əlavə komissiya olmadan VTB-də birləşdirilməsi imkanıdır. Bu həll müştərilərə bütün öhdəliklərini bir bankda toplamağa, vahid ödəniş tarixi ilə kreditlərini daha rahat idarə etməyə imkan verir.
VTB (Azərbaycan)-ın İdarə Heyətinin üzvü və Pərakəndə Biznesin rəhbəri Yaşar Kərimov bildirib:
“Bu kampaniyanı hazırlayarkən əsas məqsədimiz müştərinin maliyyə imkanlarını genişləndirmək idi. Biz yalnız aşağı faiz dərəcəsi təqdim etmirik. Eyni zamanda hər kəsə 100 000 manatadək kredit, 0 komissiya, zaminsiz rəsmiləşdirmə və aylıq gəlirin 26 mislinədək maliyyələşmə kimi üstünlükləri bir məhsulda birləşdirərək müştərilər üçün həqiqətən rəqabətli və rahat həll yaratmışıq.”
Krediti VTB (Azərbaycan)-ın bütün filiallarında, bankın rəsmi internet saytı (link) vasitəsilə onlayn və ya 986 Məlumat Mərkəzinə zəng etməklə rəsmiləşdirmək mümkündür.
