19 yaşlı küçə tullantılarının yığılması ilə məşğul olan britaniyalı Mikki Kerrol 2002-ci ildə lotereyadan cek pot udur. Onun uduş məbləği 10 milyon funt sterlinq təşkil edirdi.
O ondan müsahibə almaq istəyən jurnalistlərlə kobud davranır, onlara təhqir xarakterli jestlər edirdi. Lakin əvəzində o “Lotereya nabələdi” ləqəbini qazanır.
Mikki lotereyada qalib olduqdan sonra işini atır və öz qələbəsini bayram etməyə başlayır. O pulunu sağa-sola, küləyə sovurmağı sevirdi.
Küçədə işlədiyi günlərin acısını çıxmaq qərarına gələn gənc asanlıqla əldə etdiyi pullara kokain, avtomobil alır, vəsaitlərini fahişə və bahalı spirtli içkilərə sərf edir. Bundan əlavə, o dostları ilə əyləncələr təşkil etdiyi məkanı da alır.
Bütün bu əyləncələrin sonu isə bahalı mənzilinin pis vəziyyətə düşməsi, avtomobililə isə sərxoş halda qəza etməsi ilə bitir.
Nəticədə o daşınmaz əmlakını qəpik-quruşa satır. Borclarını ödədikdən sonra isə yenidən “zibilyığan vəzifəsinə” geri dönür.
