ABB-nin törəmə maliyyə təşkilatı “ABB-İnvest İnvestisiya Şirkəti” QSC-nin Müşahidə Şurasına yeni sədr seçilib.
Banker.az xəbər verir ki, səhmdarların ümumi yığıncağının qərarı ilə bu vəzifəyə Aqşin Əmirov təyin edilib.
Aqşin Zəkaray oğlu Əmirov 1978-ci ildə anadan olub. Azərbaycan Dövlət İqtisad Universitetinin İqtisadiyyatın tənzimlənməsi fakültəsini bitirib.
2013–2014-cü illərdə Böyük Britaniyada yerləşən “London Business School”-da MBA dərəcəsi alıb.
2004–2016-cı illərdə “Bank Respublika” ASC-də müxtəlif rəhbər vəzifələrdə çalışıb.
2007–2016-cı illərdə bankın İdarə Heyətinin üzvü və sədr müavini olub.
2016-cı ildən etibarən ABB-nin İdarə Heyəti sədrinin müavini, bankın Baş risk inzibatçısıdır.
Xatırladaq ki, “ABB-İnvest” 2020-ci ilin iyun ayında ABB (Azərbaycan Beynəlxalq Bankı) tərəfindən yaradılıb. Şirkətin nizamnamə kapitalı 3 milyon manatdır.
