ABŞ 2026-2027-ci illər arasında Tayvana dörd MQ-9B SkyGuardian dəniz müşahidə pilotsuz təyyarəsini köçürməyi planlaşdırır.
Bu barədə adanın Mərkəzi Xəbər Agentliyi məlumat yayıb.
ABŞ Hərbi Hava Qüvvələrinin sözçüsü agentliyə bildirib ki, ilk iki pilotsuz təyyarə 2026-cı ildə, qalanları isə 2027-ci ildə təhvil veriləcək. Ümumi dəyəri 467 milyon dollar olan sövdələşmə iki yerüstü idarəetmə stansiyasının, ehtiyat hissələrinin və digər avadanlıqların tədarükündən ibarətdir.
Dron istehsalçısı General Atomics Aeronautical Systems (GA-ASI) ötən ilin mayında və bu ilin martında Pentaqon ilə müvafiq müqavilələr bağlayıb.
