Bu gün Amerika Birləşmiş Ştatlarının Dövlət Departamenti bu ölkədə yaşamaq və işləmək hüququ verən “Greencard” lotereyasının nəticələrini açıqlayıb.
Banker.az xəbər verir ki, Lotoreyaya qeydiyyat 5 oktyabr – 8 noyabr 2022-ci il tarixində aparılıb. İştirakçılar təsdiq nömrəsini ən azı 30 sentyabr 2024-cü ilə qədər saxlamalıdırlar.
Qeyd edək ki, lotereya qalibləri Azərbaycan vətəndaşlığını itirmədən qanuni şəkildə ABŞ-da yaşamaq, işləmək, oxumaq və daimi vizasız rejimdə ölkəyə girib çıxmaq hüququ əldə edirlər. Proqrama qoşulmaq üçün heç bir ödəniş tələb olunmur və seçim adi lotereya kimi təsadüfi qaydada aparılır.
