ABŞ Maliyyə Nazirliyinin xarici aktivlərə nəzarət İdarəsi bitkoin birjası olan “Bittrex”i Rusiya, İran, Sudan və Suriyaya qarşı sanksiyalara əməl etmədiyi üçün cərimələyib. Bu barədə ABŞ Maliyyə Nazirliyinin saytında yerləşdirilən məlumatda deyilir.
Banker.az bu barədə “Kommersant”a istinadən xəbər verir.
“Bittrex” 2014-cü ilin martından 2017-ci ilin dekabrına qədər Krim, Kuba, İran, Sudan və Suriyadakı istifadəçilər üçün virtual valyuta əməliyyatlarını dayandırmayıb. Bu transferin məbləği 263 milyon dollar olaraq qiymətləndirilib.
Maliyyə Nazirliyinin hesabatından belə çıxır ki, bitkoin mübadiləsi internet protokolundan istifadə edən müştərilərin yurisdiksiyasını və qeydiyyat zamanı istifadəçilərin göstərdiyi ünvanı izləyə bilər. Bununla belə, əməliyyatlar zamanı “Bittrex” naməlum səbəbdən istifadəçilərin yurisdiksiyasını yoxlamayıb.
“Bittrex” kriptovalyuta birjalarının “CoinGecko” reytinqində ticarət həcminə görə (gündə 15.2 milyon dollar) 76-cı yerdədir. 2021-ci ilin fevralında OFAC “BitPay” emal xidmətini Krım, Şimali Koreya və İrandan olan istifadəçilərin iştirak etdiyi əməliyyatlara görə 500 000 dollar cərimələyib.
