ABŞ bu həftə Çinin 30-dan çox texnologiya şirkətinə, o cümlədən ölkənin ən böyük yaddaş mikrosxemi istehsalçısı olan YMTC şirkətinə sanksiya tətbiq edəcək.
Bu barədə “Bloomberg” məlumat yayıb.
Bildirilib ki, “qara siyahı”ya düşən şirkətlərə ABŞ istehsalı olan yarımkeçiricilərin və mikrosxem istehsalı üçün tələb olunan avadanlığın satışı qadağan olunacaq.
“Bloomberg”in yazdığına görə, Cozef Bayden administrasiyasının bu addımı texnologiya sahəsində Çin-ABŞ münaqişəsinin kəskinləşməsindən xəbər verir.
