ABŞ-də 500 ən iri şirkətin səhmlərini ölçən “S&P 500” indeksi güclü iqtisadiyyat sayəsində rekord yeniləməklə 6 500 bəndə yüksəlib.
Banker.az xəbər verir ki, bu barədə Bloomberg agentliyi yazır.
Lakin agentlik investorlar FED-in qərarlarına təsir edə biləcək inflyasiya göstəricilərini gözləyidiklərinə diqqət edir.
Qısamüddətli istiqrazların gəlirliliyi artıb, dollar isə zəifləyib.
ABŞ ÜDM-i II rübdə illik hesablamada 3,3% böyüyüb, istehlak xərcləri əsas dəstək rolunu oynayıb. Lakin yüksək inflyasiya bazarlarda ehtiyatlılığı qoruyur. FED-in sentyabrda faiz endirimi etməsi ehtimalı var, amma bu, qarşıdakı baza şəxsi istehlak xərclərini (PCE) hesabatından asılı olacaq.
Nvidia səhmləri analitiklərin dəstəyi ilə güclənərək texnologiya sektoruna təkan verib.
Ekspertlər 2026-cı ilin iyununa qədər S&P 500 indeksinin 6800 bəndə yüksələcəyini proqnozlaşdırırlar. Xüsusilə süni intellekt, səhiyyə, kommunal xidmətlər və maliyyə sektorları ön plana çıxır.
