15 C
Baku
Saturday, April 20, 2024

ABŞ-da 14 şirkət ehtiyatdan neft almaq hüququ əldə edib

14 şirkət ABŞ-ın strateji ehtiyatlarından daha bir neft partiyası almaq hüququ əldə edib.

Bu barədə ölkənin Energetika Nazirliyi məlumat yayıb.

Qurumun press-relizində deyilir ki, avqustun 16-dan sentyabrın 30-dək neft alacaq şirkətlər arasında “Chevron”, “ExxonMobil” və “Shell” də olacaq.

Strateji ehtiyatlardan neftin satışı ABŞ Prezidenti Co Baydenin mart ayında elan etdiyi və altı ay ərzində gündə 1 milyon barel neftin buraxılmasını nəzərdə tutan proqramın bir hissəsidir.

Bu addım məcburi xarakter daşıyır və ABŞ administrasiyasının tədarükdə fasilələri və yanacağın qiymətinin qalxmasını minimuma endirmək səylərini həyata keçirmək məqsədi daşıyır.

Daha əvvəl KİV-in yazdığına görə, iyun ayında ABŞ-ın strateji neft ehtiyatı 1986-cı ildən bəri ən aşağı səviyyəyə düşüb.

Eyni zamanda, KİV ABŞ-ın gömrük statistikasına və mənbələrinə istinadən bu ilin iyun ayında strateji neft ehtiyatlarından təxminən 5 milyon barel neftin ixrac edildiyini bildirib.

“Strateji ehtiyatlardan yanacağın ixracı rəsmi Vaşinqtonun Qərb müttəfiqlərinin Rusiya tədarükündən imtina etməsi fonunda itkilərini azaltmaq cəhdlərinə dəlalət edir. Eyni zamanda, neftin xaricə ixracı ABŞ-da benzin və dizelin qiymətinin kəskin artması fonunda Prezident Co Baydenin vəziyyətini çətinləşdirir”, – mediada yazırlar.

Belə şəraitdə ABŞ və müttəfiqləri Rusiya neftinin dəyərinə yuxarı həddi tətbiq etmək imkanını müzakirə edirlər.

Neftin marjinal qiymətlərinin müzakirəsi zamanı Rusiyanın istehsalının marjinal maya dəyəri hesab edilənlər, eləcə də Ukraynada müharibə başlamazdan əvvəlki neft qiyməti nəzərə alınır.

Son xəbərlər
Digər xəbərlər