21 C
Baku
Wednesday, April 17, 2024

ABŞ-da anomal istilərə görə mayninq fermaların fəaliyyəti dayanıb

Texasda maynerlər anomal istilər və elektrik enerjiyə rekord tələbat səbəbindən mayninqi dayandırmaq məcburiyyətində qalıblar. Şuranın sədri Li Bratçerin sözlərinə görə, bu, maynerlərin məsuliyyətli vətəndaş olmaq istəyi ilə bağlı deyil: elektrik enerjisinin bahalaşması səbəbindən bir çoxları üçün mayninq sərfəsiz olub.

Banker.az bu barədə “Secretmag”a istinadən xəbər verir.

Çində kriptovalyuta mayninqi qadağa ediləndən sonra maynerlər Texasa axmağa başlayıb və nəticədə bu ştat dünyanın ən böyük mayninq mərkəzinə çevrilib. Ekspertlər hesab edirlər ki, mayninq fermaları 2023-cü ilin ortalarına qədər Texasda elektrik enerjisinə tələbatı 6 giqavata çatdıracaq.

İndi fermalar şəbəkəsi, məsələn, bütün Belçikadan daha çox elektrik enerjisi istehlak edir, lakin bitkoinin çökməsi və yüksək enerji qiymətləri biznesin gəlirliliyi azalıb.

İstilik dalğaları, sakit hava (yel dəyirmanları ştatın elektrik enerjisi istehsalının dörddə birini təmin edir) və ştatın enerji sisteminin təcrid olunması (digər bölgələrdəki şəbəkələrlə əlaqə saxlamır) səbəbindən enerji təchizatında irimiqyaslı fasilələr yarana bilər.

Bu, bitkoin maynerlərinin elektrik enerjisinə reaksiya göstərdiyi ilk hal deyil. Belə ki, iyun ayında Şimali Amerikanın ən böyük bitkoin mayninqi şirkəti “Riot Blockchain” enerji istehlakını 8648 meqavat/saat azaldıb. Şirkət şəbəkədəki yükü yüngülləşdirmək üçün fermaların işini azaltmağa davam edəcəyini bildirib.

Amerika Birləşmiş Ştatlarının ən böyük ilkin alüminium istehsalçısı olan “Century Aluminium”, elektrik enerjisinin qiymətlərinin artması səbəbindən Kentukkidə ərimə zavodunu bağlayıb. Şirkət bildirib ki, fasilələr enerji qiymətləri “normal səviyyəyə qayıdana” qədər qədər davam edəcək. Zavodda 600-dən çox işçi çalışır, onlara texniki xidmət haqqı ödənilməyəcək.

Son xəbərlər
Digər xəbərlər