Koronavirus pandemiyası səbəbindən sərnişinlərin sayı azalıb, buna görə də Los-Angeles metropoliteni avtobus və qatar qiymətlərini ləğv etməyi düşünür.
Bu barədə “Bloomberg” xəbər yayıb.
ABŞ-ın ən sıx bölgəsinə xidmət edən “LA Metro”, böhran səbəbindən gəlirləri azalan insanlara iqtisadi təzyiqi azaltmaq üçün belə bir addım atmaq istəyir. Gəlirdə azalmanın qarşısını almaq üçün dövlət qrantları və ya reklam gəlirlərinin yenidən bölüşdürülməsi yolu ilə alternativ maliyyələşdirmə nəzərdə tutulur.
Qeyd edək ki, Avropada bəzi ölkələr artıq bu addımı atmağa qərar veriblər. Estoniya və Lüksemburq ictimai nəqliyyatdan pulsuz istifadə proqramları tətbiq edib.
Parisdə bu qərar yetkinlik yaşına çatmayanlar üçün qüvvədədir.
