Yanvarda ABŞ-da illik inflyasiya 1982-ci ilin fevralından bəri rekord göstərici olan 7.5%-ə qədər sürətlənib.
Banker.az xəbər verir ki, bu barədə ABŞ Əmək Departamentinin məlumatında deyilir. İnflyasiya pandemiyanın səbəb olduğu tələbin artması, təklifin isə azalması ilə əlaqələndirilir.
İstehlak qiymətlərinin artım tempi 2021-ci ilin dekabrında olan 7%-lə müqayisədə 0.5% sürətlənib. Eyni zamanda inflyasiya analitiklərin orta proqnozu 7.3%-i ötüb.
İnvestorların gözləntiləri nəzərə çarpacaq dərəcədə artıb ki, ABŞ Federal Ehtiyatlar Sistemi mart ayında uçot dərəcəsini birdən-birə 0.50 faiz bəndi qaldıra bilər. Əvvəllər 0.25 faiz bəndi artım gözlənilib.
