Banker.az xəbər verir ki, ABŞ-ın Energetika nazirliyinin energetik məlumatların idarə olunması üzrə həftəlik hesabatında deyilir ki, ABŞ-da kommersiya neft ehtiyatları (strateji ehtiyat istisna olmaqla) 25 avqustda tamamlanan həftə ərzində 5,4 miyon barrel, yaxud 1,2% enərək 457,8 milyon barrel olub.
Analitiklər isə neft ehtiyatlarının 0,41%, yaxud 1,908 milyon barrel enərək 461, 292 milyon barrel olduğunu güman edirdilər.
Nazirliyin məlumatına görə, həftə ərzində ABŞ-da neft hasilatı 0,02%, yaxud sutkada 2 min barrel artaraq sutkalıq 9,53 milyon barrel təşkil edib.
Ölkənin ən nəhəng terminalı Cushing-də nefy ehtiyatı 0,7 milyon barrel artaraq, 57,2 milyon barrel təşkil edib.
Həmçinin, nazirliyin məlumatına görə, ölkədə strateji htiyat dəyişməyib və 678,9 milyon barrel səviyyəsində qalıb.
