ABŞ dolları yen üzərində 24 illik yeni yüksəkliklərə qalxdı. Yaponiya rəsmiləri üçün “qırmızı xətt” olan 146 səviyyəsini ötüb.
Banker.az xəbər verir ki, dolların dəyər qazanmasına səbəb ABŞ-ın inflyasiya məlumatları və əmək bazarı ilə bağlı göstəricilər FED-in növbəti iclaslarda faiz artırması ehtimallarını yüksəldir.
İngiltərə Mərkəzi Bankının (BoE) sədri Endryu Beyli, BoE-nin cümə günü təcili istiqraz alış proqramını bitirəcəyini təkrarladıqdan və pensiya fondu menecerlərinə bu müddət ərzində mövqelərini yenidən balanslaşdırmağı başa çatdırmağı söylədikdən sonra sterlinq iki həftəlik yeni çuxura düşüb.
Bununla birlikdə, “Financial Times”da BoE-nin istiqraz (gilt) alışlarını uzatmağa hazır olduqlarını kreditorlara özəl olaraq bildirdiyini bildirdikdən sonra funt bir qədər yüksəlib.
Riskə həssas Avstraliya dolları son 2 il yarımın ən aşağı səviyyəsinə enib.
Dollar 1998-ci ilin avqustundan bəri ilk dəfə 146.39 yapon yeni səviyyəsinə yüksəldikdən sonra Asiya ticarətində 0.22% möhkəmlənərək 146.18 yendə möhkəmlənib.
Bildiyimiz kimi, yapon valyutası ABŞ və Yaponiyanın uzunmüddətli istiqrazlarının gəlirləri arasındakı fərqə xüsusilə həssasdır. ABŞ-ın 10 illik dövlət istiqrazlarının gəlirliyi bir gecədə 4.006% ilə 14 ilin ən yüksək səviyyəsinə yüksəldi, Yaponiyanın dövlət istiqrazlarının ekvivalent gəlirliliyi isə Yaponiya Bankı tərəfindən sıfıra yaxın olaraq qalmaqdadır.
Yapon rəsmləri 1998-ci ildən bəri ilk yen alış intervensiyası (müdaxiləsin) sentyabrın 22-də həyata keçirdilər, o zaman USD/JPY 145.90-a qədər artmışdı.
Nazirlər Kabinetinin baş katibi Hirokazu Matsuno çərşənbə günü keçirdiyi mətbuat konfransında bildirib ki, rəsmilər həddindən artıq valyuta hərəkətlərinə qarşı mübarizə aparmaq üçün “müvafiq addımlar” atmağa hazırdırlar.
Asiya üzrə analitiklərə görə, yenanı müəyyən səviyyədə müdafiə etmək əvəzinə, Yaponiya Bankı əvvəlkindən daha yüksək səviyyədə müdafiə edərək dollar-yenin yüksəliş tempini yavaşlatmağa çalışması da mümkündür. Əlavə olaraq 1 dollar 150 yen olması da mümkün görünür.
YEN NİYƏ UCUZLAŞIR?
Dünya mərkəzi bankları inflyasiyanı cilovlamaq üçün sərtləşdirmə dalğasına başlasalar belə Yapon Bankı (Yaponiya Mərkəzi Bankı: BOJ) inkişaf etmiş ölkələrin mərkəzi bankları arasında böyük dvirqensiya var və ultra yumşaq pul siyasəti (uçot faiz dərəcəsi: -0.10%) dəyişməz olaraq qalmaqdadır. Əlavə olaraq kütləvi istiqraz alışı stimulunundan əl çəkmir.
O, pul siyasətini dəyişməz saxladığı halda, ABŞ FED-i artıq uçot faiz dərəcəsini 0.10%-dən 3.25%-ə gətirib çıxarıb və ilin sonuna 4.5% ətrafında çıxara bilməsi mümkün variantdır.
Dolların məzənnəsini yen, sterlinq və avro da daxil olmaqla altı əsas valyutalardan ibarət səbətə qarşı ölçən ABŞ dolları indeksi artaraq 113.43-ə yüksəldi.
Avro sentyabrın 29-dan bu yana ən zəif həddə düşüb, bir gecədə 0.9670 dollara düşüb.
Fed və digər mərkəzi banklar tərəfindən aqressiv siyasətin sərtləşdirilməsinin davam etməsinin qlobal iqtisadiyyatı resesiyaya aparacağına dair narahatlıqlar son aylarda risk əhval-ruhiyyəsinin əsas drayveridir.
Beynəlxalq Valyuta Fondu çərşənbə axşamı xəbərdarlıq edib ki, dünya istehsalının üçdə birini təşkil edən ölkələr, hətta mərkəzi bankları inflyasiya ilə mübarizəni davam etdirməyə çağırsa da, gələn il resessiyaya uğraya bilər.
ABŞ-ın əmək bazarı ilə bağlı son güclü hesabatlar bəzi bazar iştirakçılarının FED siyasətçilərinin ilin sonuna qədər faiz artımı sürətini yavaşlatacağına dair ümidləri puç edib.
