ABŞ Ədliyyə Nazirliyi məhkəmənin korporasiyanı axtarış sistemləri arasında inhisarçı kimi tanımasından sonra Google-u biznesinin bir hissəsini satmağa məcbur etmək imkanını nəzərdən keçirir, bu barədə “Bloomberg” yazır.
ABŞ səlahiyyətlilərinə görə, Google onlayn axtarış bazarının təxminən 90%-ni rəqiblərdən bloklayır. Ədliyyə Nazirliyinin noyabrın 20-dək məhkəməyə daha konkret təklif təqdim edəcəyi, “Google”un isə dekabrın 20-dək bu iddiyaya cavab verməsi gözlənilir.
Mütəxəssislərin fikrincə, ən çox ehtimal olunan variant “Google”un bəzi eksklüziv müqavilələri ləğv etməsi və istifadəçilərin digər axtarış sistemlərinə daxil olmasını asanlaşdırması tələbi olacaq.
