25 il ərzində Azərbaycanın ABŞ üçün strateji əhəmiyyəti daha da artıb.
Banker.az Report agentliyinə istinadən xəbər verir ki, bunu Vaşinqtonda Xəzər Siyasət Mərkəzinin təşkilatçılığı və ABŞ-ın yüksək səviyyəli hökumət nümayəndələrinin iştirakı ilə keçirilən “Əsrin müqaviləsi: 25 illik uğurlu fəaliyyət” adlı tədbirdə ABŞ Enerji Katibinin müavini Mark Menezes bildirib.
“Bu gün biz təkcə “Əsrin müqaviləsi”nin 25 illiyini deyil, həm də ABŞ-la Azərbaycan arasındakı uğurlu əməkdaşlığı qeyd edirik. Trans Adriatik Təbii Qaz Boru Kəməri (TAP) Avropa üçün təkcə enerji təhlükəsizliyini təmin etməyəcək, bu Azərbaycanın və region ölkələrinin iqtisadi müstəqilliyini daha da artıracaq”,- deyə o qeyd edib.
