Bazar ertəsi ABŞ-ın əsas fond indeksləri bazarların ölkədəki inflyasiya ilə bağlı statistik məlumatları gözləməsi fonunda bahalaşıb.
Bunu hərrac məlumatından görmək olar.
Belə ki, sənaye indeksi olan “Dow Jones” (DJIA) 0,96% bahaşaraq 32 460,16 bəndədək, yüksək texnologiyalı şirkətlərin indeksi olan NASDAQ 1,13% bahalaşaraq 12 248,9 bəndədək, geniş bazar indeksi olan “S&P 500” isə 1,12% bahalaşaraq 4 112,15 bəndədək artıb.
Analitiklər hesab edirlər ki, avqustda ölkədə illik inflyasiya iyuldakı 8,5%-dən 8,1%-ə qədər azalıb.
Onların fikrincə, istehlak qiymətləri indeksinin dərci bazar iştirakçılarına ABŞ Federal Ehtiyat Sisteminin gələcək pul siyasəti haqqında nəticə çıxarmağa imkan verəcək.
