İran tərəfindən raket atəşinin gedişatında ABŞ-ın Hərbi Hava Qüvvələrinin təyyarəsi İraqın “Ayn-al-Asad” bazasında uçuş-enmə zolağında məhv edilib.
Bu barədə “Al-Mayadin” telekanalı bildirib.
“Bazanın Amerika hissəsində, uçuş-enmə zolağında təyyarələrdən birinin məhv edilməsi təsdiqlənib”, – deyə telekanal bildirib.
İranın İslam İnqilabı Keşikçiləri Korpusunun qüvvələri İraqdakı hərbi bazaya azı 35 zərbə endirib. Bu barədə isə “Tasnim” agentliyi xəbər verib.
“Hazırda İraqda “Ayn-al-Asad” bazasına azı 35 dəfə hücüm edilib”, – məlumatlı mənbəyə istinadən agentlik xəbər verib.
